قصيده ابكتني !!

هذي قصيده كاتبها واحد سوى حادث و كانت معه امه في السياره
و توفت الام من سبب الحادث والولد ما صار شي فيه الا بعض الجروح الطفيفه
الله يهدي شباب المسلمين :

وقال لمن يواسيه....


يواسيني وانا الميـت وحالـي يجبرالدمعـات
تسيل من الذي فيني ويبكي وهـو يواسينـي

وانا ابكي واتنهد وارسـم بالحـزن لوحـات
يجبروني عشان امشي ورجلي مـا تمشينـي

قتلت رعايتي بيدي قتلت الحـب والرحمـات
حرمت النفس من حقها وانا ابكيها وتبكينـي

وكنه حلم قدامـي يقيدنـي مـن الصرخـات
ابي اصحى ولكني عجزت القى ال يصحيني

فداك القلب يايمه ومهما قلـت مـن كلمـات
صغيره في كبر حقك بس اتمنـى تعذرينـي

نهبت الفرح من بيتي صحيح اني خسيس الذات
صحيح اني ولد طايش وكل ما أسمعه فينـي

تجول عيونهم فيني تفصـل منـي قياسـات
وتشيح وجوههم عني وكني غيـرت دينـي

يظنوا حزنهم اكبر وهم اصحـاب هالمأسـات
وانا اتحدى اذا فيهم ربع ما يحتـرق فينـي

نقص قدري بعد موتك وغابت نشوة اللـذات
وصـار الهـم عكـازي اباكيـه ويباكينـي

عطيتيني بدون حساب ولا سمعتك تقولي هات
وانا اشرب حيل من دمك ودمك ما يكفينـي

يايمه ارجعي كافي ابجلس معك لـو لحظـات
واقبل ايدك ورجلك وافرش لك رمش عينـي

يايمه ما تحملهم يقولوا فـات مـا قـد مـات
تعالي غيري هالقول واطيعك باقـي سنينـي

واترك عادة التدخين وانفذ ما تبـي بسكـات
واصلي الفجر في المسجد قبل منتي تصحيني

يايمه ارجعي تكفين وطفـي شمعـة الآهـات
ابيك انتي ولا غيرك على موتـك تعزينـي

وضميني وداويني مثل مـا كانـت الهقـوات
ما ابي احدن يواسيني ابيك انتـي تواسينـي

دخيلك بس لا تبكي اذا شفتي بـي الدمعـات
انـا مقـوى ابكيـك اذا انـتـي تبكيـنـي